Ons bied drie buigsame betalingsopsies sodat jy kan kies wat die beste by jou pas. Jy kan kies vir ’n eenmalige betaling, maandelikse paaiemente, of betaling per sessie. Jou betalingsplan geld vir die volle duur van die kursus.

Indien kansellasie 14 dae voor die kursus se begin datum plaasvind, kan ’n terugbetaling (minus administrasiegeld) oorweeg word.

Indien kansellasie minder as 14 dae voor die begin datum plaasvind, is geen terugbetaling van toepassing nie.

Sodra die kursus begin het, is geen terugbetalings van toepassing nie.
Indien ’n student klasse mis of die kursus op enige stadium staak nadat dit begin het, sal geen terugbetaling vir enige gemiste of oorblywende sessies gemaak word nie.

Studente word verwag om alle geskeduleerde sessies by te woon.

Gemiste sessies word nie terugbetaal nie, maar kan waar moontlik kortliks tydens ondersteuningsure hersien word.

Aktiewe deelname word sterk aangemoedig om die meeste uit die opleiding te kry.

Studente moet te alle tye respekvolle en gepaste gedrag teenoor die opleier, aanbieder en mede-studente handhaaf.

Belangrik

Enige vorm van oneerbiedige gedrag, ontwrigting of onvanpaste optrede gee Wild Web Training die reg om ’n student se deelname onmiddellik te beëindig. In sulke gevalle sal geen terugbetaling gemaak word nie.

Elke student kry 1 maand se gratis ondersteuning ná voltooiing van die opleiding om jou te help indien nodig.

Jy kan ons kontak vir hulp via e-pos, WhatsApp.

Alles wat jy ontvang tydens die kursus — insluitend materiaal, templates en hulpbronne — is net vir jou persoonlike gebruik en mag nie gedeel, versprei of herverkoop word nie.

Die projekte wat jy tydens die opleiding skep, behoort aan jou. Jy kan dit gebruik, wys en daarop bou soos jy jou vaardighede ontwikkel.

Enige veranderinge sal op ons website gepubliseer word en sal onmiddellik van krag wees sonder vooraf kennisgewing.